hakeeem (( مقتول مرتين))

سُؤال مُوجه الى hakeeem (( مغلقة ))
اخي انا عرفت من الاعضاء انك انت مقيم بسوريا .. اهلا وسهلا فيك
اولا انت من أي محافظه مقيم بسوريا ؟؟
اخي انا بدي اسألك سؤالين لو ما في غلبه لانك انت مقيم بسوريا وعارف الاوضاع
سؤالي هو اخي اولا انت معارض للنظام ولا مؤيد ؟ وانت يعني كنت تطلع مسيرات ضد النظام وبالثورة ؟
وهل يوجد حاليا سوريين معارضيين للنظام ومع الثورة و مقيمين بسوريا بمناطق سيطرة النظام مثل دمشق والساحل الي معظمه علويين؟
وكم نسبتهم مثلا زي دمشق والساحل وحلب
وحلب بعد تهجير اهالي كثير منها
هلا هل يوجد معارضين بحلب الغربيه او في حد لحد الان بحلب الشرقيه معارض ومع الثورة؟
وسؤالي الاخير بالنسبه للعلم في علم النظام وفي علم الثورة
هلا انت شو معتبروا علمك علم الاحمر والا الاخضر تبع الثورة ؟؟
وشكرا لك اجوبتك لاني صراحه مش ملاقي حد يجاوبني على اسئلتي
ملحق #1
لواء الموت ✌ابعتلي رابط صفحتوا رح اسئلوا برضوا
ملحق #2
لواء الموت ✌ماشي
ملحق #3
لواء الموت ✌اها ششكرا لك ..رح اسألوا وعكل حال برضوا بنظر اجابة الاخ
ملحق #4
hakeeemشكرا الك اخي
طيب اخي هلا انت من سكان ادلب حاليا ؟؟
اخي طيب كيف عندكم يعني الحاره مدمره وبيتكم مدمر ؟؟
زي ما منشوف بالاعلام ؟؟
يعني كلها ركام الحاره ؟ كل ادلب مدمره ؟؟
واخي برضوا في سؤال الي ليش دايما منشوف عالتلفزيون بالمناطق المحرره ليش دايما انتوا بتستخدموا الدرجات الناريه اكثر من السيارات ؟
وبالنسبه اخي لدرعا بحكوا انها 90 بالميه مدمره يعني كيف الناس وين عايشين يعني ؟؟ الي بدمر بيتو وين بعيش بالمناطق المحرره ؟؟
وطبعا انا بشرفني اني احكي معك لانك انت من الجيش الحر يعني انت مجاهد وانت ساكن ومرابط بسوريا
الله يحمييك
ملحق #5
hakeeemاخي طيب هلا مين عايش عيشه احسن
الي مقيم بسوريا ولا بتركيا ومعو الجنسيه ؟؟
يعني مثلا انت هلا بيتك مدمر ؟؟ ومين الي بعمر البيوت ؟
وفي مناطق ما انقصفت ابدا ؟؟؟
من وين النت انت هلا جايبوا ؟؟؟
ملحق #6
hakeeemاه اخي ؟؟؟
ملحق #7
hakeeemاها ولمين بتدفعوا فاتورة النت ؟؟ و
وهو عندكم المدارس شغاله هلا ؟ والجامعات هلا شغاله ؟ ولا كيف من اول الثورة وقفت الجامعات بالمناطق المحرره ؟ والشهادات الجامعيه معترف فيها ولا كيف ؟ وانتوا اهل ادلب بتقدروا مثلا تطلعوا عالمناطق النظام مثل دمشق ؟؟واخي هلا دمشق فش فيها ناس ساكته مش مع النظام وبتكره بشار بس ساكته وبدها تعيش وخايفه يعني ؟
ملحق #8
hakeeemاها يعني الشهادات معترف فيها برا سوريا في المناطق المحرره ؟؟
واخر سؤال بعرف اني طولت عليك بس اتحملني اخر سؤال اخي وهو
اخي ممكن تخسر الثورة السوريه ويرجع الاسد يحكم كل سوريا ؟؟
لانها المعارضه خسرت كثير مثل حلب
وهمه بحمعوا فيهم عأدلب ليقتلوهم
ولا كيف اخي رأيك؟؟؟
ملحق #9
hakeeemاها عكل حال انا تشرفت اني حكيت معك وشكرا الك
والله ينصركم يارب عالاسد المجرم
ويرجعوا المهجريين وتردوا تعمروا سوريا
والك تحيه ولكل الاحرار وانا من فلسطين من حركة حماس بوجهلك التحيه لك :)
محمد(المسلم)اما بالنسبة للمعارضين الموجودين في مناطق النظام بصراحة انا لا اعتبرهن معارضين وأنما لون رمادي أي لا أصحاب موقف ناطرين المنتصر ليقولوا نحنا معه
محمد(المسلم)أما علمنا فهو العلم الأخضر ورح يضل مرفوع بمناطقنا ما دمنا على قيد الحياة
محمد(المسلم)وشكرا على توجيه السؤال أخي الكريم
العضو كنترول عايش بسوريا تگدر تسئله و تاخذ اجوبه مختلفه لان التوجه مختلف (يعني گـ تنوع)

عموماً منورين 😃
محمد(المسلم)ثواني ادور عليه
محمد(المسلم)https://www.ejaaba.com/user/Control
محمد(المسلم)حلوو

و اچمع الاجوبه و سويها على شگل احصائيه
عليكم السلام ورحمة الله وبركاته ..أولا أخي الكريم أنا معارض للنظام وأعيش في محافظة إدلب شمالي سوريا ونحنا محافظتنا محررة بالكامل من النظام المجرم ولله الحمد ....وثانيا نعم كنت كنت اطلع مظاهرات ضد النظام وتم ملاحقتي من قبل المخابرات الجوية وحجزوا على شهادتي الجامعية قبل ما أقدر اخدها من الجامعة وبعدها انضميت للجيش الحر وبقيت معه ثلاث سنوات وبعدها صرت اشتغل في التدريس
محمد(المسلم)ثالثا بالنسبة لدمشق والساحل في مناطق واسعة مسيطرة عليها المعارضة كالغوطة الشرقية والقلمون الشرقي بالنسبة لريف دمشق وجبل الأكراد وجبل التركمان بالنسبة للساحل وكانت المناطق أوسع لكن تدخل روسيا العسكري أضعف المعارضة صراحة خاصة بالساحل ودمشق وحلب
محمد(المسلم)اخي الكريم بارك الله فيك ....
اولا الدمار بيختلف من منطقة لأخى حسب درجة القصف بعض المناطق تتم ترميمها والبعض الأخر لساه مدمر ..أما بالنسبة للناس العايشة غعم تنتقل من منطقة لأخرى أو عم تعيد ترميم بيتها ....في صورة ممكن غايبة عنك سابقا كانت شريحة كبيرة من الناس تفضل النزوح لخارج البلد وعملولن مخيمات ولكن ذل النزوح وظلم دول الجوار خلا قسم من الناس تفضل الموت بين الركام ولا تنذل الهن سواء لبنان او الاردن أو بعض مخيمات تركيا ... وفي نقطة مهمة كمان نحنا عنا تساوى الموت والحياة فما عاد فارقة كتير.....بكل عيلة شهيد او اكثر او اتدمر بيتن
اول شي إلي عايشين بتركيا وحصلوا على الجنسية ما بعرف عنهم شي ولا عندي صلة معهن ولا بدي اتواصل معهن .....ثانيا بيتنا ما تدمر كذا مرة يتأثر بالقصف بشكل جزئي ومنعيد ترميمه مباشرة والسنة الماضي اجت منظمة اوربية رممت قسم كبير بقريتنا بشكل جزئي والمدرسة الي انقصفت وفي مناطق تعرضت لنسبة قصف اقل من مناطق تانية ...اما ترميم البيوت فاصحابها بقوموا بعملية الترميم ولكن متل ما قلتلك السنة الماضي اجت منظمة اوربية تكفلت بترميم 20 بالمية من كل منزل مدمر اضافة للمدرسة ...اما النت فنحنا واصلنا النت من تركيا عبر كابلات ضوئية وطبعا شركات استثمارية بهدف الربح ولكن اسعار النت عنا رخيصة عن باقي مناطق سوريا الواقعة تحت سيطرة النظام
المدارس شغالة وعنا جامعة في ادلب...وانقصفت كذا مرة ....فاتورة النت في صالات نت بتجيب من تركيا عبر شركة موجودة بتركيا
محمد(المسلم)في ناس بالشام معارضة بس قلتلك هدول رماديين جبناء رح يقولوا للمنتصر نحنا معكن الا من رحم ربي
حاليا جامعة ادلب غير معترف عليها ولكن في وعود من اكتر من دولة تعترف فيها........بالنسبة لخسارة الثورة ما بتوقع هالشي ...الغرب وامريكا ما رح يسمحوا لطرف ينتصر على الاخر وهيك عملوا من بداية الثورة كل ما يضعف طرف يقووه ..لترجح الكفة ...وبالأخير رح يفرضوا حلولن إلي تخدم مصالحهن ممكن تقسيم او حل سياسي ...الله يستر احسن شي
محمد(المسلم)امين يااا رب ...شكرا الك على مشاعرك النبيلة وتضامنك معنا وياااا رب تحققوا الانتصار على اسرائيل