موقف صار معي وانا صغير مستحيل انساه ..

رحت اشتري لامي لبن من السوبر ماركت
وانا راجع ... بتفرج على حارتي من بعيد .. حوالي 200 متر
شفت بنات جيرانه واقفات عباب الحارة يأشرون لي ويلوحون بايديهم
وسامع صوتهم من بعيد بقول يزززن يزززن .. ^_^
قلت يا سلام مالهم هدول جاييات يستقبلوني .. يا حظي يا حظي هههه
المهم قعدو يلوحو بايديهم وانا بادلتهم التلويح وانا مبسووووووط واضحك,,
فجأة ما لقيت حالي الا وحدة من وراي مسكتني وحملتني من شعري
اقسم بالله يا اخوان حملتني من شعري ورمتني عالارض وبلشت تصرخ وتضرب فيي
وتشد شعري وحالتها حاله ,اسمها هبه .. المهم فكوني منها الناس لكن بعد شو ؟
بعد ما راحت الهيبة قدام الصبايه :/ .. عليم بالله لما شفت نفسي عالمراي ما تعرف على حالي
قلت مين هاد المخلوق .. العين رايحة يمين والشعر منكوش والشفة نافخة .. حالتي حالة
ووقعدت افكر واقول .. وانا للي كنت افكر الصباية بسلمو علي وجاييات يستقبلوني
طلعو بحذرو فيي لانهم شايفين هبه جاي علي ركاض من وراي ومش ناويه على خير
هههههههههههههههههه



تنويه : هبه هي امرأة كانت تعيش معنا بالحارة مصابة بالجنون ... وقتها غافلت عائلتها وهربت من البيت واول واحد شافته بطريقها أنا ههههههههههههههه




اللي عنده قصة مستحيل ينساها يقولها