محتاج رأيكم في مشكلة ماليه في احدى استثماراتي مع زميل لي, ولازم اخد قرار اليوم , محتاج رأيكم...؟

1/شهر 1/2019 رحت استثمرت مبلغ 80 الف جنيه مع زميل في مشروع قلت له انا مش مقتنع بالمشروعو انا مليش دعوه بالمشروع ولا تفصايله انت تاكد انه مشروع مربح قالي متاكد قلت له خلاص اتفضل 80 الف , هيرجعوا تقريبا كام يا عمي وفي وقت اد ايه تقريبا عشان ميبقاش حرام, قالي 120 الف وبعد 6 شهور يعني المفروض اخده في نصف 6/2019

2/ شهر 6/2019 قالي استحملني لحد 10/2019
3/ شهر 10 قالي استحملي لحد 3/2020, اتخانقت معاه قلت له انا عندي التزامات ووقتها فعلا كنت مزنوق في اقساط الشقه ومعتمد طبعا على الفلو سدي هي راس المال والربح قلت له طب هاتلي راس مالي حتى مش عاوز الربح المتوقع قالي اشتريت بيهم بضاعه ومبعتش بجنيه قلت له من 1/2019 الى 3/2020 مبعتش بجنيه! واتخانقت معاه.
4/ شهر 8/2020 قالي خلاص انا بعترف اني اتنصب عليا قلت له وانا مالي وازاي تخش مشلاروع وانت مش دارسه كويس, قالي انا كنت مجرب الناس دي في حاجات بس لما استثمرت بمبلغ كبير وقالولنا هتبقوا مليونيرات, استثمرت وهو واخد نصف مليون اجمالي من 6 افراد تقريبا منهم انا , طب والعمل ايه , طبعا بعد خساره كل هذا الوقت وبس عاوز راس مالي وربنا يعوض عليا, ومفيش عنده حاجه واهله ممعهومش, توصلنا لاتفاق ان البضاعه تاريخ صلاحيتها 11/2021 وانه هيمضي لي وصل امانه براس مالي فقط مع تعهد مني اني لا ساتخدمه حتى انتهاء صلاحيه البضاعه وربنا يعوض علينا في الوقت ده كله اللي لو كنت استثمرته في شئ تاني مره واتينني واربعه كنت كسبت كتير بس الله يسامحه ونتجحمل معاه اهو!

5/ دلوقتي كمان المشكل اني ما معي فلوس ادفع اقساط شقتي تراكمت بمبلغ 50 الف جنيه, ومعنديش اي حلول بسبب اني معيش فلوس , يا ارجع الشقه واخسر فيها 50 الف اصلا من الفلوس اللي وضعتها في 1/2019 وربنا يعوضني بالوقت يا ادفع!

6/ اصلا كل الناس اللي استشرتهم بموضوعي قالولي انت كده هتتفشخ اتحرك وارفع قضيه واسترد مالك قبل ما يضيع الوقت وتترمي بالشارع لاني ساكن في ايجار ولو الشقه اللي اشتريتها قسط راحت خلاص انا اي وقت معرض لاني اكون بالشارع, بس انا تضامنت مع زميلي مع انه 100% مقصر وعيل, عشان هيتسجن يا يدفع , الناس قالولي اهله هيتصرفوا لما الموضوع يلاقوه جد وقانون وحبس, قالولي انت اللي هتتفشخ ومحدش هيحس بيك انت مش لاقي فلوسك بالارض وانا اصلا اهو برجع الشقه ومش عارف اتجوز ولا اجهز ولا اشطب ولا اعمل شئ بسبب ان مفيش فلوس او بمعنى اصح فلوسي راحت بسبب طيش شاب سالته واكدت عليه انه دارسلا المشروع كويس, ومحدش يقول لي انا طماع , طبيعي ياي حد بيخاطر عشان يكسب! اعمل ايه لو ما استثمرت الفلوس برده مكنش هتجيب شئ*

7/دلوقتي زميلي هذا عامل قعدة عرب وجايب فيها ناس كبيره وانا معرفش هو دعاني ليه ليها, بس الظاهر هيقولولي انا وال 5 البايقيين اللي واخد مننا كلنا نص مليون خلاص بقى سماح وربنا يعوض عليكم!
وقتها انا هرد طبعا لا (يعني انا هرجع شقتي بخساره وهتفشخ في حياتي اللي بعيشها مره واحده ومستحمل كل ده يعني عامل معاه واجب انا لو كنت رفعت قضيه من 6/2019 كنت خدت فلوسي دلوقتي!
الناس بتقولي خلاص كده كده الباضعه مش هتتباع فبدل ما ترفع الوصل 11/2021 ارفعه الان ما هو مغفيش حل ؟
والناس اصحاب الشركه النصابه مامنينن نفسهم كويس اوي

طب ايه الحل؟
اعمل معاه ايه اخسر حياتي والا اعمل ايه ارفع عليه الوصل هيتسجن بس اهله ممكن يتصرفوا ولا اعمل ايه؟
ملحق #1
محتاج ارائكم يا جماعه
ملحق #2
سوُدِآءما هو موضوع واحد :) انا مقسمها في نقاط عشان لو حد عاوز ياخد نفسه :) طب اعمل ايه اكتر من كده؟
(أفضل إجابة)
وضعك
صعب
لازم ماتثق بحدا
يجب ان ترفع قضيه
الله ينصرك
والله ياابراهيم لو تقسم كلامك على كل سؤال كده اعضاء هيقرأون كلامك
هقراء سؤالك دلوقتي
وهجيبك على حسب مفهومني
×