ما هي الأمراض التي تنتج عن الإشعاعات النووية ،،؟

ما هي الأمراض التي تنتج عن الإشعاعات النووية ،،؟
ملحق #1
(bazouka (ultras muslmaniمش خايف بس عايز اعرف كم نوع مرض ممكن تسببها الإشعاعات
- التعرض لكميات كبيرة من الاشعاعات النووية حادثة، انفجار مفاعل غلطة ف العلاج الاشعاعي عامة دي بتعمل متلازمة الإشعاع الحادة اللي بتمر بأربع مراحل:
الأولى: لمدة ساعات قليلة البني آدم مبيلاحظش حاجة بيبقا عادي..
التانية: قئ، وهن، فقدان شهية، إسهال، جفاف..
التالتة: بيتحسن عن التانية نوعاً ما ، درجة حرارته بترتفع بشكل بسيط لمدة تلات أسابيع..
الرابعة: بعد ال 3 أسابيع بيحصل الانهيار شعره يقع، تعب، ألم، التهابات و قرح ف الفم و ف الحلق وأنيميا و قلة العد الأبيض، و قلة الصفايح ، فبينزف من مناخيره، يجيله إسهال دموي ، يموت مالنزيف و العدوى ..

- أما التعرض لكميات قليلة على مدى طويل:
بيظهر التأثير السرطاني فيسبب اللوكيميا، سرطان الرئة ،سرطان الغدة الدرقية،و سرطان الجلد و سرطان الكبد..
و التأثير الجيني بيأثر ع القدرة الانجابية و بيسبب العقم، الإجهاض، الولادة المبكرة ، تشوهات الجنين..
و بيسبب التهاب الجلد المزمن و ضمورالغدد العرقية و وقوع الشعر و فقدان بصمة الإصبع و طبعاً سرطان الجلد ..
و بيجيب كاتركت أو مية بيضا عالعين..

و عالجهاز الهضمي إسهال دموي ،جفاف ف الفم ، فقدان شهية ..
عالرئة بيعمل التهاب رئوي ، كحة، و ف الحالات الشديدة ضيق نفس، الم ف الصدر، كحة دم و تليف ف الرئة ممكن يحصل..
بيأثر التعرض للإشعاع المزمن على كافة أعضاء الجسم و ممكن يتلفها و يموت أجزاء فيها ما عدا القلب و الكلية و المخ و الحبل الشوكي دول مقاومين له و مبيتأثروش بيه..
متخافش
موضوع روسيا دا ان شاء الله مش هيوصلنا
كتير جدا و اهمها السرطانات