ما رأيكم بهذا المبدأ في فيلم احمد زكي ونجاح الموجي, نزل احمد زكي من التاكسي لما لقى زبون بيقوله المطار, الشاهد انه نزل زبون مقابل انه ركب...؟

زبون بسعر اعلى...؟
عشان مشوار المطار اغلى!
المبدأ ده قالهولي بتاع البوفيه واظن هذا تفكيره في المصالح! هو قاله اليوم يعني !

طيب هما في معضله اخلاقيه, كيف انت تكون متفق مع زبون على شئ وبعدين لما يجيك سعر اعلى تتخلى عن الصفقه الحاليه!
نفس اللي حصل معي انا بطلب بيض ساده مسلوق وهو بيكسب اكتر من السندوتشات! فمش مهم انا! رغم انه لو قال باي تمن هاخده! او انه يقدم ناس تانيه عليا في الترتيب!
(أفضل إجابة)
مرة كنت رايح اشتري كيلو موز من عربية بتقف فالشارع
طبعا كيلو موز دا حاجه قليلة بالنسبة للبائع لكن بنسبالي كفرد واحد هو كفاية
المهم لقيت اتنين غيري برضه ببطلبوا منه نفس طلبي كده.. فجه واحد من الواضح انه شخص غني من لبسه وعربيته ... راح البياع سايبنا كلنا بتوع الكيلو موز واتجه نحو ( الحاج ) اتفضل يا حج نورت يا حج اجيبلك ايه أؤمرني
وهنا الافضلية والاولية فالترتيب اتبنت على حساب ٣ زباين كحيانين زي حالاتي
انا كرد فعل مني انسحبت ومشيت وواحد كمان تاني مشي
البياع اتصرف بناء ع مصلحته حسب ظنه وانا اتصرفت بناء ع كرامتي
في ناس قبلت ع نفسها كتيير لدرجة أصبح ليس لديها حس الاخلاق.