كيف تتصرف, اتخانقت مع مدير المشروع وكان معايا حق بس برده لبست انا الغلط لانه مدير المشروع وهو عارف من جواه انه غلط...؟

مدير المشروع الجديد صدق مهندس من فريق عمله السابق لانه اقرب منه عني, وتدخل وتجاوزني في تخصصي, انا طبعا رفضت لما تعامل مع الاستشاري بتاعي من غير ما يرجع لي , وقولت لمدير المشروع هو ازاي انت توافق على التدخل ده,قالي انت هتحاسبني يا ابراهيم؟, قولت له مش بحاسبك بس انا مستغرب ده مش منطقي ! المهم تجادلنا وقالي هو (اللي معاه ده) بيعمل audit عليك , طبعا انا قولتله لا انا برفض ده هو بيعمل coordinate معايا مش اوديت عليا, قالي لا هو كده, قولت لا وانا برفض ده ومحدش بيقول كده ده قانون جديد, قالي اه قانون جديد وده النظام من هنا ورايح, ومشي وسابني طبعا الخناقه كانت امام الكل والكل كان سامع من بعيد يعني وبينظر لي نظرات سيئة واراهم وانا داخل المكتب يتحدثون معا وينظروا لي بغضب, لانهم يحبونه وهم من فريقه, وانا ايضا هو شخص محترم لكنه غير محق تماما في هذا الامر .
كنت همشي المهم شوية ورجع لي وقالي يعم افهم , انا قاطعته وقولت له بص انا مش زعلان من حاجه غير انك مشيت وسبتني وانا بتكلم, قالي ما هو عشان كده رجعت لك لما حسيت انك ممكن تكون اتضايقت من كده!
المهم جاب زميلنا الرخم التاني وزميلنا ده جاب زميل تاني, المهم حسيت اني خلاص لبست الغلط, وكان قبليها مديري قالي هدي بس المواضيع وانا هفهمهم غلطهم فين لما الدنيا تهدى, وقالي مش هينفع تقوزل للقوي انت غلط في وشه ومش هيعترف , فهدي الدنيا بس بدل ما تبقى رسمي وبالعافيه هو عليك!
فانا طبعا عشان ده, قولت لمدير المشروع يا هندسه سيبك من اي حاجه كفايه مجيتك ليا, وخلاص عدى اليوم

اليوم التالي مديري راح قعد مع مدير المشروع وقاله ما قال له , المهم مدير المشروع حس انه اخطأ خلاص!
وده الهدف انه يفكر 100 مره قبل ما يتصرف تصرف هوائي ومش منطقي ولا مدروس بفعل تأثير حد من معاه بيحرضه!
كنت هقوله هو حد اشتكى يا بشمهندس ومن امتى احنا المالك بندور على حق المقاول هو احنا مقسمين معاه يعني؟!
كنت هقول كلام في العظم يعني!
انا اصلا كنت ناوي اعمل مشكلة كبيره يعني توصل لاني امشي واستقيل ولا ان حد يتجاوزني! يعني يا ابقى قوي يا بلاش!

برأيكم, كيف كان التصرف الامثل وانت محروق دمك وفي غياب عدل بس طرف معاه القوة دلوقتي وانت بقيت في الطرف الضعيف دلوقتي بس معاك الحق تماما؟
(أفضل إجابة)
حصل خير ، بس الصراحه انت معاك حق ، احياناً الطرف الضعيف بيتظلم لانه مش في ايده القوه او المنصب العالي..
بس انت حتي لو معاك حق و اتصرفت بغضب محدش هيسمعك ولا حد هيقتنع برأيك ، دايماً الغضب بيضيع الحق حتي لو كان معاك..
حاول تتصرف بأسلوب اهدي من كده ، علي العموم حصل خير ومش اول و اخر خناقه هتحصل.. :/
حاول تنسي وماتفكرش كتير في الموضوع..
لازم تتحكم بعصبيتك .. ولو اكتشفت اخطاء غيرك لا تفكر انك اكتشفت الذرة ..