عندي بكرة تقديم محاضرة.. اول مرة رح اوقف قدام عدد واتكلم

كيف اكون بالجرأة الكافية ؟


انا كيف تجرأت وتبرعت
بلحظة قررت اكسر الحاجز
وهسه علقت :)

القاعة فيها ١٧٠ طالب وطالبه
شرحي رح يكون عشر دقايق بس وحكي ع مادة بسيطة
ان شالله اقدر
ملحق #1
لا شرح من ورق
وحكي بسيط
المشكلة بالوقفة بس
ملحق #2
بالاردن
في برزينتيشانات بيعملو عروض تقديمية باوربوينت وشرح كامل ومفصل واجبارية بس هاي للطلاب الي بيدرسو تخصصات علمية وصعبة متل الطب مثلا

احنا ع الاغلب اختيارية لرفع العلامة
ملحق #3
العبقري
اوله فضيحة :( رجفت وصوتي رجف وايدي
بعدين قلت اعقلي ي بنت كل اللي بالقاعة قد ولادك !
وصرت العلع تلعلع

اكيلةة يسلموووو
طبقت ع اختي وشرحتلها الحكي خمسطشر مرة ×_×
ملحق #4
هههه اركية مشالله عنك مبين عليكي جريئة
انا ما قمت الا بعد تشجيع مكثف من كل البنات حواليي ههه
ملحق #5
ويلييي لو مكانك بغيب ههههههه

لا الحمدلله اول مرة حظي بفرحني
انو يومها انتقلت المحاضرة ع قاعدة صغيرة وبدون مايك
الله سترها بس

وحتى الدكتور كان ناسي ع مين الشرح
وكنت. بدي اتهرب واضل ساكته
بعدين قلت متى بدي اكير هالحاجز ما انا محضرة
فرفعت ايدي واعترفت
اولها رجفت بعدين كملت عادي :) الحمدلله
(أفضل إجابة)
أول شي جربي لحالك بغرفتك .. اعملي بروفا عالمراية كذا مرة .. أكيد عملتي صح ؟؟؟
ركزي على تعابير وجهك و حركات إيديكي و نبرة صوتك و الذي منو ..

بعدين حطي إمك و اشرحيلا ..
حطي أبوكي و اشرحيلو ..
حطي إخواتك و اشرحيلن .. هنن أكيد ما رح يسمعوكي بس جربي -_-"
هيك بيصير عندك ثقة أكبر بحالك إنو إنتي قادرة تشرحي .. و الرهبة بتروح شوي بهالطريقة ..

أنا لما كنت سنة أولى عطيت محاضرة انكليزي لدفعتنا 400 طالب و كنت كتير شطورة و فهمانة .. ما عرفت حالي هههههه
لازم الثقة بالنفس هذي أهم ششي

ولا تخافين أبداً ،

انا لو اطلع قدام جمهورية كاملة عادي مآ خجل :)
احفظي المحاضرة وان شاء الله تقدرين
خذى نفس عميق قبل الصعود لتجنب التوتر
تقدري ان شاء الله
بس لازم تستعدي لهذه المحاضرة
وذلك بالتحضير الجيد والاستيعاب
حتى تؤدين المحاضرة على اكمل وجه
وبالتوفيق
presentation يعني مجرد عرض تقديمي؟؟
الله يعينك من أي بلدانتي؟

أنا أذكر أيام الجامعه نفس الشي كنا نسميه برزنتيشن عرض تقديمي
من ورق لدقايق نفس الي تقولين
سويناه مرتين مره في أول سنه ومره في ثاني سنه كل طالبه تعمل برزنتيشن
كان رائع وممتع وسويتها ومافي أي خوف ولاشي

بس الفرق إنه كان أمام طالبات وعددهم تقريبا 30 طالبه فقط

أما 170 طالب وطالبه صراحه ماقد جربت الله يعينك
الاستبيانات منيحة بتعطيك انطباع خنفشاري عن الموضوع
المهم كيف التقديم : فضيحة أو عادي ؟
اسهل طريقه
بدون ماتجيبي حدى
بنفس الغرفه اللي راح تعملي فيها عرض يعني بنفس ال class
جهزي اغراضك يعني الفلاش مومري والريموت power point واعملي عرض مع نفسك
واتخيلي نفسك انك امام الحضور
هههههههه يا لعلوعة
أنا انحطيت تحت الأمر الواقع لما عطيت محاضرة ..
وقتا كان محاضرة إنكليزي .. قام واحد صار يتفهمن و خربط .. قمت أنا بكل شطارة صححتلو .. و شرحت فكرة ..
و قالتلي الدكتورة المحاضرة الجاية إنتي رح تقدميها ..

بس كانت مسخرة عن الأزمنة و استخداماتا و هيك .. بسيطة كتيرة ..

بربك احكيلي كيف كان شعورك لما سمعتي صوتك عالمايك ههههههههههه بتحسي حدا تاني عم يحكي ..
هههههههههه إي منيح ..
أنا صرت اسمع صوتي عم يدخل من الشبابيك من برا القاعة هههههههههه
انا كنت مثلس متوتره لكن في وقتها اول مابديت شوي توترت بعدها انطلقت ونا اشرح وبجرأه بعد ولا خفت لا شعوريا 😅😅 يعني بوقتها يمكن يتغير شعورس