رحلة لا تنسى .. الجزء الاول ..

بسم الله الرحمن الرحيم
قصة حقيقية حصلت معنا سأقصها عليكم
عنوانها ''

رحلة لا تنسى !!

في يوم من أيام الصيف الحارة قررنا الذهاب برحلة انا وزوجي وأولادي لكن بشرط أن تكون رحلة لاتكون مرتبطة بالشكليات أي بمعنى اخر رحلة بالسيارة وأين ماتعبنا نقف ونستريح ..
انطلقنا بالخامسة صباحا وكل منا رتب أغراضه بحقيبته الخاصة الا انا ثلاث حقائب وحقيبة صغيرة خاصة للمكياج وادوات اللازمة النسائية !!
وجهزنا مايلزمنا من طعام وشراب وشراشف والخيمة الخاصة للرحلات وكل مايخطر ببالكم !! زعلت جدا يومها اني لم استطع حمل التلفاز معي !!!..
انطلقت السيارة متوجهة الى البحر وطبعا زوجي من كان يقود السيارة وكل ساعة نقف نرتاح بمكان لنأكل أو لنشرب أو ليرتاح سعد الذي اوقفنا أكثر من عشر مرات !
فجأة ونحن واقفين لنرتاح تذكر زوجي أن اقتربنا من قرية يسكن فيها أناس كان يعرفهم من زمان وانهم كانوا جيران ومن ثم رحلوا ليعيشوا بالقرية سالني مارأيي أن نزورهم طبعا انا وبما أن الرحلة كانت غير مشروطة لا بمكان ولا بطريق وافقت وقلت له اكيد يلا نروح ''
دخلنا القرية وسألنا أشخاص عن أسم الرجل فدلونا على بيته مكثورين الخير ..
فجاة ونحن متوجهين لمنزل الرجل سمع نهاد صوت الديك فقال : ييي لا أحب صوته فصرخت بوجهه وأنبته أن صوت الديك جميل وان لايعود لهذا الكلام مرة أخرى !!
توقفنا عند منزل الجماعة و تعرفوا على زوجي وكانت فرحتهم لاتووصف !! لدرجة صارت الام تبكي لرؤيته وكيف ربته وهو صغير وفرحت حين رأته مع اولاده ..
دخلنا سعيدين حامدين الله أنهم تذكروا زوجي وانهم لاقونا واستقبلونا أستقبال رائع ..
قاموا بواجبنا على أكمل وجه واحتفلوا فينا ونحن بنفس الوقت كنا سعيدين جدا ..
منزلهم يحيطه بستان وشجر وأزهار من كل نوع ومهما طلبت تجده مزروع بهذه الأرض .. وكانت الغرف تطل على الأرض مباشرة ..
تجولت أنا مع البنات و قطفت الأزهار واخذت بعض الشتلات لأزرعها ببيتي ..
لايقتصر الامر على النبات بل والحيوانات من كلاب وأغنام وأبقار وأحصنة بالمختصر مزرعة كاملة ..
وانا أتجول بهذه الارض كانت الفرحة لاتسعني وأيضا وجدت السعادة على وجوه أولادي بعيد عن ضوضاء المدينة والدخان وعدم وجود مجال للعب فهنا وجدوا الراحة واللعب ..
نادوا علينا للحضور على الإفطار وكان مكون من لبن وجبن وعسل وكل ماصنعت أيديهم وحليب ساخن طازج وخبز مخبوز بالبيت من صنع أيديهم ..
كان الإفطار رأئع وشهي جدا أو يجوز أني من زمن لم أكل طعام صحي غير مغشوش او غير مصنوع من مواد حافظة !!

انتهينا من الإفطار التاريخي وانتقلت انا وزوجي والرجل وزوجته وأمه لمكان آخر ل .....



القاكم بالجزء الثاني .. لايفوتكم أحبائي
ملحق #1
اميرة تابعيني بالجزء الثاني نهههه
ملحق #2
دكتور لم اضع ولا نقطة بهار ادبي !! ننهههههه يكفيني ماحصل معي هههه

شكرا دكتور لشجيعك
ملحق #3
شكرا وردة .. الزبدة تاتي بعدين ههههه
ملحق #4
متى تريدون الجزء الثاني !؟
ملحق #5
غير شكل شو اشتهيتك معي انتي وزهرة بهذا المشوار وبالأخص بالجزء الثاني !! ياووويلي شو اشتهيتكن بس ماكنت اعرفكم وقتها ههههه

رح كفي رح كفي بس مو هلى المسا ههههههه
ملحق #6
استغفر الله ماعاد فيني متعب يرحم امواتك والله فرطت
لك ماعم اقدر اكتب
في شغلة بس مو حوزي الي ماحب صوت الديك هاد ابني نهاد ههههه مو معقول صرخ عجوزي
اما الباقي الي قلتو صحيح الله وكيلك ماضل شي ماقشيتو هههههههه

بالنسبة للتلفزيون قصدي متبقي غيرو ماحملتو نههههههههههه
ملحق #7
ابو بكر هذا كان كلامي وقصدي بصوت الديك
ملحق #8
لايغرنك ام وليد اعجابي بالريف الذي حصل فاق الوصف ههههه
هههههـه حلوة القصة ..
اكتر شي بيضحك لم استطع حمل التلفاز معي ^_^
أكملي .. فيما يبدو أننا سنكون أمام عمل مليء بالبهارات الأدبية ؟
سنرى بالأجزاء التالية .. !!
دائما القصص الحقيقة اشوق من القصص الخالية

استمري بيانا
متى ؟؟
فيشي شغل بالي كتير بسألك ياه لوحد عالفيس لانو يعني انووو هووو
خلاص بعدين
كفي كفي انا متحمسه وبس تكفي بعتيلي عالخاص رابط السؤال لانو انا بغيب كتير هالفتره تما يفوتني شي ^_^
كيف الجميع شتاتلكون وردة واميره
د.قطر كيف الحال؟
قصتك حميلة جدا ... ومشوقة ...
أحسست أنني انتقلت معكم لهذا المكان الساحر
اسلوبك بسيط وجميل بالإضافة إلى خفة الظل ....
بانتظار الجزء الثاني ....
اوك ان شاء الله ببئا بشوفون بس بوكرة وبعده امتحانات الله يسامحون يومين ورا بعض >.<
شكولة كيفك

شو اخبارك
الحمد لله بخير .. طالما أهل الخير .. يدعون لي بالخير !!
ام كشة كيفك؟
وردة انا مشتائتلك والله
زهرة الوادي ليش ما عم تحكيني :(



د.قطر الاخ الاكبر لنا في لله ان شاء الله
الدعاء لك بكل الخيرات والمسرات ان شاء لله
وانت ادعيلنا كمان وان شاء الله كل الخير يا رب للناس كلا
ما هذه الرحلة التي تسرديها بالقطارة ؟؟؟ يعني بالعربي الفصيح اثرتي فضولنا وبالحلبي القحي شطت رويلتنا هههه

انو انا ما بحسن ما اعلق على كم شغلة قريتها من بعد اذن كاتبتنا يعني ههههه

ثلاث حقائب يا مفترية وهي اشو رحلة شكلية !!!! بقا شلون لو كانت رحلة رسمية وبدها تخطيط اش كنتي اخدتي معك مسلاً ؟؟ كنتي ربطتي السكرتونه بالحبل وسحبيتها مقطورة مرى السيارة ههههه

انو بالنسبة للديك الي عم يقول كوكوكو انو جوزك ابو نهاد ما بحب صوتو ,,, يعني فوق ما الزلمة اتنكرز واتزازه من صوته قمتي صرختي بوشو انتي كمان
يالطيف على هالديكتاتورية يا لطيف عالقداره هههههه ,, يا ستي ما منحب صوت الديك منحب بق بق بق صوت الجيجه انو انتو اخو مراقنا ههههه

انو بالنسبة للتلفزيون يعني شاشة ال سي دي والا تلفزيون سيرونكس ؟ انو دخيل الله عالهبل وقلة عقلكن ,, يعني التلفزيون بلا ستالايت صار حقو فرنك انو بالله العظيم اش بدك بالتلفزيون كان بدك تشحطيه معك ؟ والا كان فرد مرة خدي الغسالة والفريزه و الميكرويف بالله بجوز كمان يلزموكي مالك حق الله يصلحك ؟ على هالافكار اخر شي ابو نهاد بدو يشتري شاحنة مو بيك اب مشان رحلاتك العفوية والي مندون سابق تخطيط ههههه

بعدين بدك تقنعيني انو بس قطفتي ورد وزهر ؟؟ اكيد بتكوني قشيتي فستق او تفاح او برتقان والزيمنو هههه لا تخجلي قولي انو ولادك قشو نص البستان يما سحاحير سحاحير والزلمة انخرب بيتو عالموسم ههههههه ,, وبعدين ما بصير ما ناخدلنا شتلة مشان بيتنا انو على اساس عنا جناين وحدايق ببيوتنا ... هيك مكسب سبحان الذي خلقنا هههههه
قصة جمييلة

تستاهل الكثير
غير شكل , مشتاقتلك .. :$
وين كاينة ؟؟
جميل، سأكمل الجزء الثاني الآن

وأحسن ما فعلتِ مع ابنك عند سماع صوت الديك: قال النبي صلى الله عليه وسلم: (إذا سمعتم صياح الديك فاسألوا الله من فضله فإنها رأت ملكا)
نعم نعم أحسنتِ
بارك الله فيكِ
عجبتني الأراضي الخضراء التي وصفتها والزهور.. ما أجمل العيش في الريف :)
إلى الجزء الثاني...
اسلوب سهل ممتنع بسيط جدا الي الدرجة التي لا تترك لك مساحة للملل ومشوقة لحد الحاح المواصلة حتي وان ضاق وقتك
:::: استمتعت يالقراءة لطرح خال من الفذلكة والتعقيدات الادبية :::::جاري المتابعة
ام كشة هههه دخيلو اسمك شو بيعجبني ههههه
انتبهي ما ينكسير من عيني هههه
ليكي انا عندي امتحانات هالفتره ما تئلأي عليي
بالتوفيق غير شكل ^_^
^_* سمعت انو طلعت الاجزاء التالية للقصة هي انا رايحه شوفا