حب مؤجل .. الجزء الثالث

1 119 1 5

الحب

فتحت الظرف طلعلي منه ريحة كتير حلوة وجواته في السلسال اللي كان لابسه ورسالة فتحت الرسالة كان مكتوب فيها : ( حبيبتي سوسن .. كم اشتقت لك ، لاتعرفين شعوري حين رأيتك أمامي وكأنني حصلت على كنز ، انتظرت وتعبت كثيرا ولكن في النهاية سأحصل عليكي وأكون عند وعدي ستكونين لي .. أتمنى أن تعودي كما كنتي فأنا لازلت أحبك كالسابق وربما أكثر .. أنتي حبيبتي الوحيدة مهما طالت حياتي .. أراك غدا في المقهى المجاور لمنزلكم حتى تردي على رسالتي اذا كنتي موافقة لأن نكمل مشوارنا معا أم تريدين حياتك بعيدا عني .
ملاحظة : البسي السلسال اذا كنتي موافقة بدي شوفو عليكي بكرا . بحبك )
انبسطت كتيير بكلامه تأكدت انه هو لسا متل قبل ونفس مشاعره وحبه الي وانتظرني فعلا وانا لازم ما أجرحله قلبه وضلني معه لاخر العمر .. فكرت شو بدي رد عليه ماعرفت لاقي جواب بس انا موافقة بكل الحالات .. اخر شي قررت البس السلسال واعتبره الرد ع رسالته ..

تاني يوم رحت ع الشغل انا وراما بس كناطالعين متأخرين وما لقينا سرفيس واضطرينا نمشي مسافة منيحة لنوصل ع الشارع العام ناخد تاكسي ونروح ع الشغل ، ونحن ماشين مرينا قدام صيدلية بالحارة قالتلي راما بدي فوت جيب دوا لأمي قبل ما انسى قلتلها ونحن راجعين قالت يلا وصلنا فتنا ع الصيدلية واجت عيني بعين الصيدلاني مابعرف ليش حسيت اني بعرفه اخدت راما الدوا وطلعنا قلتلها حاسة اني شايفته قبل هيك قالتلي اكيد شايفتيه شي مرة بالحارة مافي اشهر منه هاد الصيدلاني حسام ودارس معلوماتية وشاطر كتير بأمور النت ، فجأة تذكرت الهكر حسام وهي عم تحكي فيه شبه كتير من هاد حسام .. معقولة يكون هو !!



طنشت الموضوع ومشينا لوصلنا ومر اليوم كتييير عادي انتظرت رائد بس ما اجى انشغل بالي كتير قالتلي راما خلص مو مشكلة بطلع انا وياكي نتغدى بشي مطعم ورحنا ع البيت تجهزنا وقالتلي حطي كتير مكياج زبطي حالك بلكي لاقيتي شي عريس وصرنا نضحك عادي خبرنا اهلها انو رايحين ع المطعم وكل الامور تمام ما عدا انو رائد مختفي ..

وصلنا ع المطعم اكلنا وخلصنا وقاعدين قالتلي راما رايحة ع الحمام دقيقة وراجعة قلتلها اوك وقعدت لحالي فجأة بجي رائد بقعد ع الطاولة قدامي بقلي لك اشتقتلك اشتقتلك كتييير قلتلو شو جابك انت قال مابدك ياني بروح قلتلو لالا بس انو كنا انا ورفيقتي قاعدين ما بعرف انك رح تجي قال هي بتعرف قلتلو متفقين عليي يعني قالي هيك شي ونسيت راما كلها وقعدنا نحكي ونخطط للمستقبل وقلي انو بيعرف انو عمي بالبلد ورح يحكي معه مشاني وانو هو بدو نكون لبعض باقرب وقت ومن هالحكي واجت راما قلتلها وينك كل هالوقت قال منيح تذكوتي عندك رفيقة مختفية ولا من شاف احبابه نسي اصحابه قلتلها لا بس قالتلي اسكتي انكشفتي خلص قلتلها انتو اتفقتو عليي انا ما دخلني قال اي قومي يلا تأخرنا قال رائد لا شو تقوم لسا قالتلو وعدنا اهلي ما نتأخر وصرلنا فوق الوقت بساعة قال ماشي بشوفك بكرا حبيبتي قلتلو ان شاء الله ورجعنا ع البيت ..


قمت الصبح وقومت راما قالتلي شو هالنشاط قلتلا قومي لا نتأخر ع الشغل قالتلي من زمان يطلع حبيب القلب وترجعي متل ماكنتي وصرنا نضحك معها حق انا كان بس بدي ياه لكون مبسوطة ماقدرت انساه مهما تناسيته ..

ونحن طالعين من البيت ندالي شب قال ام السوس ردي علينا ما التفتت لانو في كتيرين بلطشو وهاد مابعرف صوته لرد عليه قرب لجمبي والمفاجأة انو... حسام ! الصيدلاني .. قلي كيفو الحلو مارديت قال ما تذكرتيني .. قلتلو شفتك مبارح بالصيدلية شو بدك .. قال لا ياحلوة معقولة خليتيني انسب واتبهدل وتنسيني ببساطة ؟ انا ما نسيتك وحياتك وعرفت انو رجعتي لحبيب القلب ومابكون اسمي حسام اذا ما بنزع هالجوازة .. قلتلو شو بدك انت حل عني قال بدي ياكي وبس كنت رح سبو بس راما سحبتني قال لاتعلقي معه بيلتقى حل لتخلصي منو مو وقته هلأ ..
ضليت طول نهاري متنكدة من ورا حسام كيف طلعلي هيك مو وقتو هلأ مابخليني مبسوطة ابدا ..

اتصل عمي وقال بدي اجي شوفك المسا بموضوع كتير ضروري ووعدتو واتفقنا انو يجي ع بيت اهلها لراما ..

اجى عمي وقعدنا حكينا ونسيت خبرو عن رائد ونام عنا عمي تاني يوم كان اجازة قنت من بكير قعدنا انا وعمي وصار يحكي بالموضوع الجاي مشانو .. قلي بنتي انا جاي لانك صرتي صبية ومتل الوردة ماشاء الله عليكي وفي خبر حلو الك قلتلو شو عمي قال جايكي عريس انا غصيت قلتلو اي قال وهالعريس بتعرفيه قلتلو من وين بعرفو قال الشب مافي منو ودارس واخلاق وابن عيلة قلتلو مين هو قال بيشتغل بالحارة هون وحكاني قال انو بدو ياكي بالحلال وحابك كتير وبشوفك كل يوم وماعم يحكي معك مشان الاصول وانا كتير احترمت موقف الشب وقررت قلك قلتلو عمي مين قصدك ؟؟ قال الصيدلاني حسام ..

قلتلو همي بتعرف انو هاد اوسخ شب بالحارة وبضل يهددني ويلحقني ومابعرف كيف وصل لعندك هلأ ! مستحيل وافق اتجوزه لو مابضل غيره بالعالم وصرت ابكي عني قلي انا ماجبرتك هي حياتك وما كنت بعرف انو هيك عم يعمل معك اللي بدك ياه بصير ياعمي بس اهدي .. حكيت لعمي عن رائد قلي ولايهمك عمي اللي بدك ياه بصير خليه يجي لعندي وتكرم عينك ..
قابلت رائد وقلتلو شو قال عمي طار عقله من الفرح وقلي هلأ رايح لعنده صار متل المجنون يرقصن بالشارع واتفقت مع عمي يتقابلو بوقت ومكان يناسب التنين وقلي عمي انا بردلك خبر
طويل حبتين
×