حب مؤجل .. الجزء التاني

1 97 1 5

الحب

بس فتحي دقيقة ما لحقت استوعب شكلك وانا قلو لا لحد ما فقد الامل .. بعد فترة حكى معي حسام الهكر وقلي مارح تكوني غير الي وتذكري هالحكي عملتله بلوك وحكيت لرائد قال بأحلامه ..


فجأة امي عرفت بعلاقتنا وعاقبتني وحرمتني النت تماما وحرمتني اطلع من البيت او شوف حدا المهم قدرت
حكي رفيقتي وخليها تخبر رائد باللي صار وقالتلو اني مستحيل اقدر حكيه مرة تانية هو قالها انو رح يضل يحبني لاخر يوم بحياتو ومارح يحب غيري واذا مارجعت احكي معو رح يروح ع سوريا ويموت كرمال بلدو انا قلتلها اني مستحيل اقدر حكيه ولا يجن ويعمل شي قالتله هي بس هو سافر ومارد عليي انا وقت عرفت انه سافر مرضت وضليت بالفرشة شهر بس ابكي وما اكل ولا نام ولاشي بعد هي الفترة صرت تدريجيا ارجع لحياتي ومرت الايام والسنوات ومافي اي خبر عنه ابدا بعد كم سنة انا درست تمريض وتخرجت واهلي بعتوني ع سوريا عند بيت جدي مشان جيبهم لعندنا وصار مشاكل وماقدرت اطلع من سوريا وتوفو جدي وستي وضليت لحالي بعدين رحت عند اهل رفيقتي راما بالريف وضليت عندهم ورحبو فيني امها وابوها لانها كانت وحيدة وقالولي انتي متل بنتنا اخر شي لقيت شغل انا وراما بنفس العيادة اشتغلنا بالاستقبال مو ممرضات ضلينا حوالي ست شهور ومافي احلى مننا عم نشتغل وكل الامور تمام بيوم من الايام بيجي شخص ع العيادة وبضل يراقبني بنظرات غريبة انا حسيت اني بعرفو شايفتو من قبل بس طنشته وعملت حالي مو منتبهة بعد شوي اجى لعندي قلي انا عندي موعد باسم رائد هو قال اسمو انا مابعرف شو صرلي طلعت عليه عنجد هاد رائد ماعد اتوازن مابعرف شو صابني قلتلو اي عندك موعد انتظر هو راح وانا دخت اجت راما صحتني واخدتني ع البيت وانا لسا دايخة مابعرف شو صاير لما صحيت تاني يوم قالتلي بس فهميني شو عملك الشب شو صرلك انا تذكرت قلتلها هاد رائد قالتلي رائد ماغيرو ؟؟ قلتلا اي رائد قالت كيف عرفتيه قلتلها هو انا بعرف قالت وهو ماعرفك ؟ قلتلها لا مابيعرفني وملامحي تغيرت اكيد قالتلي طيب ليش ماقلتيله قلتلها خلص هو نسيني وما سأل عني انا لازم انساه كمان اكيد هو تزوج وصار عنده اولاد ومو متزكر اسمي حتى راما قالتلي يمكن معك حق بس لازم تقوليله قلتلها لامابدي يعرف قالتلي ع راحتك حبيبتي انا رح روح تأخرت وانتي ارتاحي رح اخدلك اجازة ضليت بالبيت عم فكر كيف هو كمل حياته وانا مرضت وانتظرته وما سأل عني حتى وهو بخير ماحكاني كتير افكار كانت براسي المهم انو هو اجى ع العيادة بغيابي وسأل راما عني وقلها هي سوسن ؟؟ قالتله اي سوسن من وين بتعرفها انت قلها حسيت انها بتشبه حدا بعرفو نفس طريقة كلامها قالتله اي هي الشخص اللي عم تدور عليه بس انت نسيتها لذلك ماعد بدها تتذكرك حكالها شو صار معه واتفقو تقنعني شوفه ونحكي ، تاني يوم داومت وراما ماقالتلي شي ابدا بنص الدوام بيجي رائد ماكان في حدا بالعيادة انا عملت حالي مو شايفته دخل وجاي لعندي تركت مكاني ورحت ع الحمام مشان ماشوفه ضليت شي نص ساعة طلعت لقيته راح سألت راما قالتلي جاي يشوف موعده .. خلص الدوام وانتظرت راما قالتلي روحي قبلي في كم شغلة بخلصهم وبجي طلعت برا في حدا بيناديلي التفت لقيت رائد ضليت ماشية لحقني قلي ليش عم تتهربي مني قلتلو نعم !؟ قال انا رائد قلتلو اي قال ما تذكرتيني ؟؟ قلتلو بشوف كتير ناس ما بتذكر الكل قال ممكن نقعد ونحكي قلتلو عن شو نحكي ؟ قال بخصوص الوعد انا تذكرت انو هو قلي لما نتقابل رح تكون هي كلمة السر بيننا "الوعد" ، مابعرف شو حسيت بس شي جواتي قلي روحي معه .. قلتلو لوين نروح قال اي مكان بدك ياه اهم شي نحكي قلتله ماشي رحنا قعدنا بكفيتيريا انتبهت لشي انه لابس سلسال بحرفي وحرفه سوا بعدين حكينا وقلي انو هو انتظرني وحاول يحكي معي بس انا اختفيت تماما وانقطعت اخباري وماقدر يوصلي وهو تعرض للموت كتير وكان يحاول يوصلي وماقدر اخر شي قرر يشتغل ويجهز بيت ليستقبلني فيه وقلي البيت جاهز وبانتظارك انا كنت عم انتظر فرصة روح لعندك بس الله جابك لعندي قلتلو ما بعرف قال ليش هيك عم تعملي معي قلتلو شو قال عم تعيشيني بحالة (حب مؤجل) قلتلو كيف يعني ههه قال كل شي ما بعرف وانتظر انا بحبك ولسا عند وعدي رح نكون مع بعض ولا رح كون لغيرك قلتلو وانا كمان قال قوليلي انك بتحبيني دائما بتقولي وانا كمان ما بتقولي بحبك صرت اضحك قال شايفة ( حب مؤجل ) دائما قلتلو انا تأخرت لازم روح قال ماشي بوصلك قلتلو لا شكرا عطاني ظرف رسالة و قال بانتظار ردك بكرا وغمزلي ،،

بالبيت قلتلها لراما اللي صار وشجعتني شوف الرسالة ورد عليها بسرعة ، مابعرف ليش ترددت شوي بعدين قلت لحالي وبعدين هي هو موجود وعم ينتظرك ليش عم تهربي منه شوفي الرسالة وردي عليه انتظرك كتير ..
بس تخلصي خبرينا ههه
×