حب مؤجل .. الجزء الأول

3 124 3 10

الحب

القصة طويلة اللي مو حابب يقرأ كل القصة لايكمل .

القصة رح نحكيها ع لسان سوسن هي اللي عم تروي الاحداث مشان ماحدا يسأل ، يعني القصة كأنها مذكرات لسوسن ..


يوم عادي جدا رجعت من المدرسة اكلت ونمت وقمت اتسلى شوي ع النت بلاقي طلب صداقة ع الفيس قبلتو لانو باسم بنت بعد شوي هي البنت صارت تحكيني حكيتها وتعرفنا ع بعض هي بنت لبنانية بعمري تقريبا وعايشة بلبنان كمان ويوم ورا يوم صرنا اصدقاء مقربين كتير وما يمر يوم بلا ما نحكي انا كنت صف تاسع خلصت السنة وهي لسا كل يوم بتحكيني بشكل متواصل بيوم من الايام اختفت هي البنت وماحكت معي انشغل بالي ضليت ابعتلها لحتى ردت بالليل قالتلي ام السوس بدي اعترفلك بشي قلتلا ليش اختفيتي شغلتيلي بالي قالت اللي بدي قلك ياه اهم من اختفائي قلتلا خير شوفي قالت انا عمري اكبر منك انا بالعشرينات قلتلا حلو اهم شي نحن متفاهمين ورفقات قالت وانا مو لبنانية انا سورية مقيمة بلبنان قلتلا طيب ممتاز هيك احسن بنت بلدي قالت وفي شي خايفة تزعلي اذا قلتلك ياه قلتلا مابزعل منك انا شوفي قالت نحكي صوت ؟ قلتلا شو صوت انا ولا مرة حكيتك صوت قالت اي منحكي هلأ شو رأيك وافقت انا ورنتلي رديت قلت الو ماحدا حكى رجعت حكيت سمعت صوت شب قلي اهلين انا خفت وسكرت بعتلها فورا في حدا عندك ؟ قالت لا قلتلا سمعت صوت شب قالت اي صوتي قلتلا كيف صوتك قال انا شب قلتلا بلا مزحاتك هلأ طيب بدي نام انا نعست وتركتا ونسيت الموضوع تماما ، حكينا تاني يوم قلتلها كيفك ياحلوة قالتلي انا شب قلتلها هلأ خلص غلاظة من مبارح قالت واسمي رائد واتصلت رديت وفورا حكيت انا قلتلا يعني عنجد شو قصتك انا شب انا شب وضحكت رد عليي شب وقال اي لانو انا عنجد شب شبك سوسن انا سكتت قال انا رائد واسف اني كنت عم كذب عليكي وماقلتلك اني شب واقنعتك اني بنت بس انا لازم احكيلك واعترف ماعد اقدر خبي اكتر وانا ساكتة تماما قلي احكي ضليت ساكتة وسكرت صار يبعت انا مارد عليه ويتصل ومارد قلي معك حق تزعلي لاني كذبت عليكي وشو مابدك اعملي فيني بس لاتروحي ضلي عم تحكي معي وخلينا متل اول مع بعض كل يوم وكل دقيقة ، قلتلو بتعرف اني بعمري مو حاكية مع شب كيف بدي احكي معك انا لهلأ حاسة انو هي مزحة وانت مو شب قال بعتذر منك بس ماعد اقدر خبي اكتر انا تعلقت فيكي كتير ولازم قلك ماخليكي عايشة بكذبتي قلتلو هيك انا ماعد اقدر احكي معك قال بترجاكي ضلك معي انا ماعد اقدر يمر يوم بدونك .. سوسن انا بحبك .. انا شفت هي الكلمة وسكتت بالفعل انا مستغربة من اللي عم يصير قلتلو مابقدر انا لازم فكر بالاول قال خدي وقتك وفكري بس خليكي معي ، انقطعت عن النت يومين ما فتحت ابدا وطول الوقت عم فكر باللي صار معقول يكون مقلب او حلم مومعقولة كل هالايام انا عم حاكي شب ومابعرف كيف !! شي غريب عنجد فكرت اني جد انا بحبها وتعلقت فيها انا كمان وانو حتى لو كانت شب اكيد هي بنفس اخلاقها وتعاملها ما رح تتغير عليي لانو صرنا قريبين كتير من بعض قلت خلص لازم حكيه لقيتو باعتلي انو وينك لاتكوني تركتيني وهيك قلتلو انا فكرت ، رد فورا قلي شو قلتلو مابعرف يعني لهلأ انا مو مطمنة للموضوع قال سمعتي صوتي وانا شب وماعم كذب عليكي وانا ماشفتك ولا شي انا حبيتك من كلامي معك وتعلقت فيكي مشان ماتقولي انو بدي شي منك انا بحبك كتير وماعم اقدر فكر بحدا غيرك ابدا قلتلو اي وانا كمان قال يعني اطمن قلتلو ع شو تطمن قال ع قلبي معك قلتلو اي ههههه وحكينا للصبح وضلينا هيك كل يوم نحكي وكل يوم نحب بعض اكتر واكتر ؛ مرة من المرات كنت قاعدة ع النت عم انتظره لنحكي بيجيني رسالة من شخص بدون اسم كلها حب واعجاب فيني أنا قلت لحالي أكيد هو عمل حساب تاني وعم يحكي معي رديت قلتله اهلين قال اشتقتلك قلتله وانا كمان فجأة بعتلي رائد قلتله بكم مكان بتحكيني قلي هلأ فتت ع البيت وحكيتك قلتله بلا مزحاتك لكن مين عم يحكي معي ويقلي اشتقتلك قال مو انا بعتلي المجهول مرة تانية وقلي خلص اتركيه انا بحبك اكتر منه قلتله مين انت قال حدا بيحبك كتير حكيت لرائد صار يبعتلي لاتحكيله عني لأني شايف كل كلامكم وهلأ قلتو هيك وهلأ حكيتو هيك انا خفت منه قلي رائد انا بتصرف معه وصار يحكيه وطلب منه يأكد انه رجال ويفتح يحكيه كام وحكو وتخانقو وطلع اسمه حسام وهكر محترف مراقبني من فترة وصار بدو يحكيني انتهت المكالمة بينهم بمسبات وتهديدات وراح فترة ورجعت الامور لطبيعتها ..مرة كان رائد مو بالبيت واجاني مسج منو انو شو رأيك نحكي فيديو قلتلو لا انت بتعرف اني قلتلك ما رح خليك تشوفني لنصير لبعض بعتلي انا مو رائد امو وهو هلأ مو بلبيت خليني شوفك خالة قلتلها شو بيثبتلي انك مو رائد قالت بحكيكي صوت بعدين بشوفك موافقة ؟ قلتلها ماشي وبالفعل طلعت امه وحكيتها فيديو وبيدخل رائد ع البيت بلا ما حدا يحس وجايه ع غرفتو مستعجل بدو يحكي معي وبلاقي امو فاتحة اللاب وعم تحكي بنت كام انا شفتو غمضت عيوني وهو قال لامو مين هي قالتلو مرتك وصارت تضحك هو قال سوسن !! انا سكرت الكام وماعرفت شو اعمل من خجلي وهو يبعتلي بس فتحي دقيقة ما لحقت استوعب شكلك وانا قلو لا لحد ما فقد الامل .. بعد فترة حكى معي حسام الهكر وقلي مارح تكوني غير الي وتذكري هالحكي عملتله بلوك وحكيت لرائد قال بأحلامه ..

يتبع ..
قريت اول سطر و اخر سطر و فهمت القصة كلها بدون ما قرائتها
ما قرأتها بس شكلها حلوة هههه
كيفك رغوود شو أخبارك طمنيني عنك
انا لي كنت داخل باسم عضوية سليم (سامر)
×