ابي اسم اللعبة اللي وصفها كالاتي

السلام عليكم ورحمة الله وبركاته

يا اخوان اتوقع اني لفيت النت كامل عشان ادور على اسم لعبتين بس ما حصلتها.

الرجاء اللي يتعرف على اللعبة من الوصف التالي يرسل اسمها واكون ممتن له جدا لان

هذولي اللعبتين لعبتهم وانا صغير وكانوا مررررة معجبيني والحنين والشوق لالعاب زمان

رجعلي مرة ثانية فبرجاء المساعدة

ملاحظة : يمكن اطول بالشرح بس بالنهاية ان شاء الله ما رح يكون عندكم اي سؤال لاني بوضح كل شي ان شاء الله


وصف اللعبة الاولى :

هي عبارة عن لعبة قسم ( تقسيم ) الكرات ، اللعبة على الشاشة بس يعني ما تروح يمين ويسار هذا اللي اعرفه بس يمكن في مراحل متقدمة تتحرك ، المهم الشخصية اللي تلعب بيها هي
( ارنب ) والكرات لونها احمر واتوقع كان في لون ثاني بس اللي متذكره ان لونها احمر، الارنب يضرب الكرات عن طريق الضغط على سبيس ( المسافة في لوحة المفاتيح ) ويتحرك يمين ويسار بس في حدود الشاشة، لما يضرب يخرج زي حبل يطلع فوق لين نهاية الشاشة واذا لمس الكورة تنقسم نصين والنص اذا لمسه الحبل ينقسم نصين وهكذا لين تصير صغيرة وتنضرب وتختفي ، الارنب اللي تلعب فيه يمشي يمين ويسار زي ما قلت بس في بعض المراحل يكون في سلم يطلع عليه ويضرب وبعدين ينزل مرة ثانية ، والكورة اذا لمست الارنب تخسر ، اللعبة قديمة ما اتذكر لا اسمها ولا تاريخها بس يعني تقدر تقول بين 1990 - 2012 تقريبا يمكن قبل او بعد ، وهذي صورة توضيحية للعبة شبيهة بيها لكن موب هي

[url=https://www.0zz0.com][img]http://www4.0zz0.com/2018/10/06/17/496600348.png[/img][/url]



وصف اللعبة الثانية :

عاد هذي اللعبة كنت مدمنها وكنت احبها مرررررة وهي عبارة عن لعبة صياد ارانب ( كل اللعبتين فيها ارانب ههههههههههه ) ، منظور اللعبة من فوق يعني كانها من طيارة ، الشخصية اللي تلعب بيها هي ( صياد ) ماسك بيده مسدس ويده ممدودة ما ينزلها، اول ما تبدي اللعبة يكون في نص الشاشة وتقدر تتحرك يمين ويسار والشاشة تتحرك معك مو زي اللعبة اللي قبلها ، والشاشة فيها ارانب ؛ لما تقرب منهم بمسافة معينة يشوفوك ويتجهون صوبك ، و انت تضربهم بزر الفارة اليمين او اليسار ما اتذكر ، يعني تتحرك بالاسهم في الكيبورد وتضرب بالماوس ، ولما الارانب تموت تطلع دم ( مدري كيف كنت متحملها يوم كنت صغير ) ، واذا قتلت كل الارانب اللي في الخريطة تنتقل للمرحلة اللي بعدها يكون فيها ارانب وارانب برية يعني اكبر ، وكان في قنابل تاخذها من الخريطة تقتل كل الارانب اللي بالصورة ، حتى اذكر ان ما كان بالمرحلة الاولى الا قنبلة واحدة والمراحل اللي بعدها اصعب ، فكنت اخذ القنبلة من المرحلة الاولى واخسر نفسي واعيدها واخذ القنبلة مرة ثانية ، ميزة اللعبة انك اذا خسرت ادواتك واسلحتك تكون زي ما هي ما تروح، بعد اللعبة قديمة والجرافكس من متوسط الى ضعيف بس تجنن بالنسبة لي.


ارجو اني كفيت ووفيت ووضحت كل شي ، برجاء اذا عندك اسم اللعبة تكتبه ولك جزيل الشكر ، او لو كان عندك اسم لعبة شبيه بعد تكتبه لان يمكن ابحث عن اسمها ويطلعلي في المتعلقات لعبتي وبرجاء ما تبخلوا علي باي تعليق......... انا بحثت عن مواقع تكتب فيها وصف اللعبة وتعطيك اسمها زي الموقع اللي تكتب فيه وصف الفيلم ويعطيك اسمه بس ما حصلت موقع زي كذا .......



اخيرا وليس آخرا ..................... حاس اني حكيت قصة حياتي بس من جد محتاج اللعبتين ذولي


منتظركم بالتعليقات الجميلة اللي تشرح الصدر.


والسلام عليكم ورحمة الله وبركاته
ملحق #1
ما كانوا على موقع كانت العاب على الCD

بالله اللي يعرف موقع فيه الالعاب القديمة يخبرني
ملحق #2
كنت محملهم ما كنت العبهم على موقع
يا الله ، بالله محد قدر يجيبها ؟؟؟؟
ما تذكر حتى الموقع اللي كنت تلعبهم فيه؟
متعب حالك
يا رب تلاقيهم